Teksa organizatat dhe kompanitë më të mëdha nëpër botë mund të kenë sadopak hapësirë manovrimi, rreziku më i madh bie mbi organizatat jo-qeveritare në Kosovë.

Shqetësimet nuk janë individuale. Vendimet e Trump kanë implikime shumë më të gjera kolektive.

Kjo nuk kufizohet vetëm te SHBA, por është pjesë e një ndryshimi ideologjik më të gjerë nëpër botë i karakterizuar nga ringjallja e forcave nacionaliste, izolacioniste dhe reaksionare.

Regjimet autoritare në rajon veç do të fuqizohen e me këtë do të rritet presioni ndaj Kosovës, qoftë në aspekt të shtetësisë, ashtu edhe të zhvillimit demokratik.

Demokracia është përparësia konkurruese e Kosovës në një rajon dhe botë gjithmonë e më autoritare. Këtë duhet ta kuptojë cilido që është i përfshirë në qeverisje, shoqëri civile, medie apo sektor privat.