Ka hapa të thjeshtë e të përditshëm që duhet t'i bëjë qeveria për të treguar se është e gatshme ta trajtojë pandeminë me transparencë.

Në këtë pikë, në Kosovë do të pajtoheshim me çfarëdo përkufizimi të termave të përdorur.

Numrat e rasteve “aktive” dhe “të shëruara” janë aktualisht pothuajse të pakuptimta.

Shkencëtarët gjetiu thonë vazhdimisht se numrat nuk pasqyrojnë ndryshime deri sa të kalojë një kohë e caktuar pas raportimit të tyre.

Pa pasur vazhdimisht të dhëna të disponueshme, është shumë më vështirë të vërehen trendet dhe është thuajse e pamundur të shqyrtohen zgjidhjet e mundshme, të ofrohen ato dhe të ketë llogaridhënie.

Do të marrë kohë që njerëzit të kenë besim te informatat që jepen nga institucionet e Kosovës.