TikTok s’ishte thjesht aplikacioni atraktiv i radhës, por njëfarë labirinti që të tërheqë brenda dhe s’të lë të dalësh lehtë. Pak a shumë sikurse vorbulla në të cilën humbet Liza në botën e çudirave.

Përveç ndikimit dhe rrezikshmërisë së trendeve, TikTok nuk përbën përjashtim në mënyrën se si teknologjia instrumentalizohet kundër grave, në atë që njihet si dhunë gjinore e ndihmuar prej teknologjisë.

Vonesat, reduktimi i kohës së mësimit dhe ulja e performancës akademike janë lidhur me përdorimin e TikTok nga studiues/e të ndryshëm/me nëpër botë.